सोनाक्षीलाई विवाह प्रस्ताव

बलिउड अभिनेत्री सोनाक्षी सिन्हासमक्ष उनका एक्स ब्वाइफ्रेन्ड बन्टी सचदेवले विवाहको प्रस्ताव गरेका छन् । सोनाक्षी र बन्टी त्यतिबेला प्रेममा थिए, जतिबेला सोनाक्षी बलिउडमा प्रवेश गर्ने तरखरमा थिइन् । पछि सोनाक्षीको व्यस्त सेड्युअलका कारण उनीहरूबीच दूरी बढ्दै गयो र ब्रेकअप भयो ।

चलचित्रमा काम गर्ने क्रममा सोनाक्षीको नाम शाहिद र अर्जुन कपुरजस्ता अभिनेतासँग जोडियो तर रोचक कुरा, एकपटक फेरि सोनाक्षी र बन्टीको निकटता बढ्दै गएको छ । बन्टी सीमा सचदेवका भाइ तथा अभिनेता सोहेल खानका साला हुन् । उनी सेलिब्रेटी म्यानेजरका रूपमा काम गर्छन् । बन्टीले आफ्नी श्रीमतीसँग सम्बन्ध–विच्छेद गरिसकेका छन् । बन्टीको सोनाक्षीभन्दा पहिले सुस्मिता सेन तथा नेहा धुपियासँग अफेयर थियो । हालै एक वैवाहिक समारोहमा सोनाक्षी र बन्टीलाई एकसाथ देखिएको थियो । त्यसपछिका धेरै समारोहमा साथै देखिन थालेपछि उनीहरूको सम्बन्ध नजिकिएको अनुमान गरिएको हो ।